Քառագագաթ Արագած

Երբ պատմությունը, ինքնությունը և բնությունը միաձուլվում են, ծնվում է հավերժ արժեք։ Այս դիզայնը սկսվում է Մովսես Խորենացիի «Հայոց պատմությունից» վերցված խորիմաստ մեջբերումով՝
«Այս խորունկ դաշտում բնակություն հաստատելով՝ Արամանյակը կառուցապատեց (մշակեց) դաշտի հյուսիսային կողմի մի մասը և նույն կողմում գտնվող լեռան ստորոտը։ Լեռն իր անունով կոչեց Արագած, իսկ կալվածքները՝ Արագածոտն»։

Հայկական ավանդության մեջ Արամանյակը՝ Հայկ Նահապետի որդին, ժառանգեց հայրական իշխանությունը և ընդարձակեց հայոց բնակության սահմանները դեպի հյուսիս՝ դառնալով հայկական ինքնության կարևոր խորհրդանիշներից մեկը։
Տպագրությունը շարունակվում է Արագած լեռի քարտեզագրությամբ և նրա գագաթների պատկերագրությամբ։
Վեհ, հպարտ և խորհրդանշական՝ Արագածը միշտ եղել է հայ ժողովրդի ամենասիրելի լեռներից մեկը։ Նրա մասին ստեղծվել են բազմաթիվ պատմություններ և բանաստեղծություններ, այդ թվում՝ Ավետիք Իսահակյանի տողերը՝
«Դու՛, Արագա՛ծ, ալմաստ վահան
Կայծակեղեն թրերի,
Գագաթներդ՝ բյուրեղ վրան
Թափառական ամպերի...»
Այս շապիկը ստեղծված է նրանց համար, ովքեր իրենց մեջ կրում են պատմություն, ուժ և ինքնություն։

Շապիկը արտադրված է բարձրորակ, հաստ կտորից՝ հարմարավետ կառուցվածքային ձևվածքով, որը միավորում է հայկական ավանդույթը ժամանակակից ոճի հետ՝ ապահովելով դիմացկունություն և նուրբ, բարձրակարգ զգացողություն։

Արտադրված էՀայաստանում 🇦🇲